GURE IKASKUNTZA BIDAIAK
Gure proiektuak eskalatzeko eta gure negozioaren ezagutza zabaltzeko helburuarekin, beste kultura batzuekin lan egiten dugu Costa Rica, Kenya, Guatemala, India edo Hego Korea bezalako herrialdeetan.
BERLIN
Arteaz, historiaz eta berrikuntzaz, hilabete eta erdiz gozatu ahal izan genuen hiri berean.
2020. urtearen amaieran Berlinera, Alemaniara, bidaiatu genuen. Berlin izan zen gure lehen ikaskuntza bidaia. Zoritxarrez, Covid-19ak asko moteldu zuen gure ikasketa prozesua, baina Alemaniako kultura ezagutzeko aukera izan genuen lan arloan eta baita arlo sozialean ere. Lantalde batekin batera bizitzea zer zen ikusi genuen, eta gainera, mundu osoko jendea zegoen coworking batean lan egin ahal izatean, aniztasun handiz elikatu ginen.
KENIA
Mundu osoko ekintzaileekin eta haien lan egiteko moduarekin konektatzen laguntzen duten bidaiak.
2021. urtearen amaieran, Diversity 4 Equality-k antolatutako ekintzailetza programa baten bidez bidaiatu genuen Kenyara. Esperientzia horren bidez, kultura anitzeko proiektu taldeak sortu ahal izan genituen, eta benetako arazoetan oinarritutako proiektuak diseinatu eta prototipatu genituen.
Osasunerako sarbidearen gaia jorratu genuen alderdi ezberdinetatik, hala nola, uraren saneamendutik hasi eta pertsonen adimen emozionala lantzeraino.
Nahiz eta Kenyako egonaldia nahi bezain luzea ez izan, proiektu horietan aritu ginen lau hilabetez gure kideekin.
Costa Rica, "pura vida" estiloa bizitzeko eta iraunkortasunari eta pertsonekiko harremanari buruz ikasteko bidaia.
2021eko azaroan Costa Ricara bidaiatzeko aukera izan genuen gure ikasketa prozesuaren barruan. Bertako kulturan murgildu ginen eta eskuz esku lan egin genuen, Costa Rican dituzten lan metodologiak eta erramintak eskuratuz. Esperientzia hori oso aberasgarria izan zen enpresarentzat, bertako jendearekin hainbat proiektu aurrera eramatea lortu baikenuen, inpaktu positiboa sortuz. Halaber, asko ikasi genuen proiektu jasangarriei eta sortzen dugun inpaktuaren neurketari buruz.
COSTA RICA
"LA RAÍZ DE LA FELICIDAD"
Bazenekien Costa Rica Latinoamerikako herrialderik zoriontsuena dela? Herrialde zoragarri horretan egon ginenean, pertsonen zoriontasunaren erroari buruzko dokumental labur bat grabatu genuen, Espainiarekin irundakoa, munduko 11.herrialde kontsumistena.
GUATEMALA
Mujeres de la Luna proiektutik, boluntariotza deitzen dioguna iraultzeko eta salvadorismo zuria alde batera uzteko asmoz, Ez Boluntarioak antolatzen ditugu Guatemalan.
Tokiko jardueraz betetako bidaia honetan, tokiko emakumeekin lan egiten dugu, elkarri laguntzeko eta beren bizimodua diseinatu ahal izateko. Proiektu guztia tokiko talde baten (Ik ixok taldea), Luma Team Companyren eta Ane Davilaren bidez bultzatzen ari gara.
India, inoiz atsedenik hartzen ez duen herrialdea. Herrialde honetan erlijioak eta kulturak eskulako indar eta garrantzia du.
2023ko martxoan ia hilabete pasa genuen Indian, herrialde exotiko, kaotiko eta eder batean. Kaleen zalaparta, usainak eta koloreak arnasarik gabe utzi gintuzten zerbait dira eta aurkitzen genuen leku bakoitza abentura bat bilakatu zen. Herri honen intentsitatea zerbait ikaragarria da, egunero zerbait berria irakatsi zigun eta hausnarketaz betetako bidaia eraldatzailea izan zen.
INDIA
Hego Korea, ondare kultural interesgarria eta negozio ekosistema garrantzitsua duen Asiako herrialdea.
2023ko apirilean Hego Koreara bidaiatzeko aukera izan genuen gure azken ikasketa-bidaiaren bigarren zati gisa. Bi hilabete eman genituen lanean, enpresak bisitatzen eta bertako proiektuetan murgiltzen.
Proiektuak garatu ahal izan ditugu arlo artistikoan, kirolean, landa despopulazioan, larruazala zaintzen... aukeraz, berrikuntzaz eta ekintzailetza-ekosistema bat, zeinetatik ikasgai eta lotura handiak hartzen ditugun.
HEGO KOREA
